ஆபாச சினிமா போஸ்டருக்கு தடை…

பாகிஸ்தானில் உள்ள பஞ்சாப் மாகாணத்தில் உள்ள தியேட்டர்கள் மற்றும் பொது இடங்களில் ஆபாச சினிமா பட போஸ்டர்கள் வைக்க தடை விதிக்கப்பட்டுள்ளது.

சமீபத்தில் நடந்த தேர்தலில் இங்கு இம்ரான்கானின் பாகிஸ்தான் தெக்ரிக்- இ-இன்சாப் கட்சி ஆட்சியை பிடித்தது. அங்கு புதிய தகவல் துறை மந்திரியாக பயாஸ்- உல்-ஹசன் சோகன் நியமிக்கப்பட்டார். அவர் பதவி ஏற்றபிறகு பல அதிரடி உத்தரவுகளை பிறப்பித்துள்ளார்.

அதன்படி பஞ்சாப் மாகாணத்தில் உள்ள தியேட்டர்கள் மற்றும் பொது இடங்களில் ஆபாச சினிமா பட போஸ்டர்கள் வைக்க தடை விதிக்கப்பட்டுள்ளதாக சர்வதேச செய்திகள் தெரிவிக்கின்றன.

இதுகுறித்து புகார் தெரிவிக்கப்பட்டால் முதலில் அபராதம் விதிக்கப்படும். அதையும் மீறினால் அந்த தியேட்டர் மூடப்படும் என்றும் அவர் தெரிவித்தார்.

மனிதாபிமான மற்ற முறையில் ஒரு பெண்ணின் அரை நிர்வாண போஸ்டரை எப்படி வைக்கிறார்கள் என தெரியவில்லை. இதை ஒரு போதும் அனுமதிக்க முடியாது என்றும் அவர் கூறினார்.