பூனைக்குட்டிகள் போல் சத்தமின்றி இருந்த 2 பேர், இப்போது நாய் போல் குரைக்கின்றனர்’ – நிமால் லன்சா..!

“பாராளுமன்ற உறுப்பினர் நாமல் ராஜபக்ச மற்றும் ஸ்ரீ லங்கா பொதுஜன பெரமுனவின் பொதுச் செயலாளரான சாகர காரியவசம் ஆகியோர் கோட்டாபயவின் ஆட்சியின் போது பூனைக்குட்டிகள் போல் சத்தமின்றி இருந்தனர். இப்போது இருவரும் நாய் போல் குரைக்கின்றனர்” என தற்போது ஜனாதிபதிக்கு நெருக்கமாக இருக்கும் பாராளுமன்ற உறுப்பினர் நிமால் லன்சா தெரிவித்துள்ளார்.

ஜனாதிபதி ரணில் விக்கிரமசிங்க அண்மையில் அமைச்சரவை மாற்றத்தை ஏற்படுத்தியதை, குறித்த இருவரும் விமர்சித்ததையடுத்தே  லன்சா இவ்வாறு தெரிவித்தார். 

அண்மைய அமைச்சரவை மறுசீரமைப்பைப் பற்றிக் குறிப்பிடுகையில், பாராளுமன்ற உறுப்பினர் லன்சா, ஜனாதிபதி அறிவுப்பூர்வமாக பதவிகளை ஒருங்கிணைத்துள்ளார், இது ஒரு பயனுள்ள முடிவு என்று கூறினார்.

இது தொடர்பில் நாமலும் சாகரவும் தகராறு செய்தால், அவர்களுக்கு தலையில் ஏதேனும் அசாதாரணம் இருக்கிறதா என்று சோதிக்க வேண்டும், ”என்று அவர் கூறினார்.