அமெரிக்க ராணுவத்தில் சிக்கன நடவடிக்கைக்கு 40 ஆயிரமாக வீரர்கள் குறைப்பு

அமெரிக்க இராணுவத்திற்கான நிதியில் சிக்கன நடவடிக்கைகளை மேற்கொள்ளுமாறு அந்நாட்டு பாராளுமன்றம் கூறியுள்ளது. இதனால் ராணுவத்தில் ஆட்குறைப்பு செய்ய அரசு முடிவு செய்துள்ளது.

அடுத்த 2 ஆண்டில் தரைப்படையில் 40 ஆயிரம் வீரர்களை குறைக்க முடிவு செய்துள்ளனர். மேலும் தரைப்படையில் ஏராளமான சிவில் ஊழியர்களும் பணியாற்றி வருகிறார்கள். அவர்களில் 17 ஆயிரம் பேரை குறைக்க முடிவு செய்துள்ளனர்.

அமெரிக்க தரைப்படையில் தற்போது 4 லட்சத்து 50 ஆயிரம் வீரர்கள் உள்ளனர். 2012–ம் ஆண்டு ஈராக்குடன் போர் நடந்தபோது 5 லட்சத்து 70 ஆயிரம் வீரர்கள் அமெரிக்க ராணுவத்தில் இருந்தனர். அது படிப்படியாக குறைக்கப்பட்டு 4 லட்சத்து 50 ஆயிரம் ஆனது. இப்போது மேலும் வீரர்களை குறைக்க அரசு முடிவு செய்துள்ளது.

இதேபோல கடற்படை, விமானப்படையிலும் சிக்கன நடவடிக்கைகள் மேற்கொள்ளப்படும் என எதிர்பார்க்கப்படுகிறது.

(riz)