ஸ்வீட் கார்ன் சீஸ் நக்கட்ஸ்..

சோளம், சீஸ் சேர்த்து நக்கட்ஸ் செய்வது எப்படி என்று பார்க்கலாம்.

தேவையான பொருட்கள்
சோளம் – 1 கப்
மக்காச்சோள மாவு – 4 தேக்கரண்டி
உருளைக்கிழங்கு – 1
பிரெட் தூள் – கால் கப்
சீஸ் துருவல் – கால் கப்
மைதா மா – கால் கப்
மிளகாய் தூள் – 1 தேக்கரண்டி
எண்ணெய், உப்பு – தேவையான அளவு

செய்முறை :
சோளத்தை வேகவைத்து ஆறியதும் மிக்சியில் போட்டு தண்ணீர் விடாமல் அரைத்து கொள்ளவும். உருளைக்கிழங்கை தோல் உரித்து மசித்து கொள்ளவும்.

ஒரு பாத்திரத்தில் அரைத்த விழுது, மசித்த உருளைக்கிழங்கு, சீஸ் துருவல், மிளகாய்த்தூள், சோள மாவு, உப்பு, சேர்த்து நன்றாக பிசையவும்.

பிறகு மாவை விரும்பிய வடிவில் உருட்டி வைக்கவும்.

அகலமான தட்டில் மைதா மாவுடன், பிரெட் தூள் சேர்த்து நன்றாக கலந்து வைக்கவும்.

உருட்டிய நக்கட்ஸ்களை மைதா கலவையில் புரட்டி எடுத்து வைக்கவும். இவ்வாறு அனைத்தையும் செய்து வைக்கவும்.

வாணலியில் எண்ணெயை காய விட்டு உருட்டி வைத்த நக்கட்ஸ்களை போட்டு பொன்னிறமாக பொரித்து எடுக்கவும்.

சூப்பரான ஸ்வீட் கார்ன் சீஸ் நக்கட்ஸ் ரெடி…