(FASTNEWS | COLOMBO) – அமெரிக்காவில் ஜனாதிபதி பதவிக்கு மீண்டும் போட்டியிடும் டொனால்டு டிரம்ப், அதற்கான பிரசாரத்தை முறைப்படி தொடங்கி உள்ளதாக அந்நாட்டு செய்திகள் தெரிவிக்கின்றன.
அமெரிக்காவில் ஜனாதிபதி பதவிக்காலம் 4 ஆண்டுகள் ஆகும். இதன்படி, கடந்த 2016-ஆம் ஆண்டு நடைபெற்ற தேர்தலில் குடியரசுக் கட்சி சார்பில் போட்டியிட்ட டொனால்டு டிரம்ப், ஜனநாயக கட்சியின் வேட்பாளர் ஹிலாரி கிளிண்டனை வீழ்த்தி வெற்றி பெற்று அமெரிக்காவின் 45-வது ஜனாதிபதியாக பதவியேற்றுக் கொண்டார்.
டிரம்பின் பதவிக்காலம் அடுத்த ஆண்டு முடிவடைய உள்ள நிலையில், 2-வது முறையாக தான் ஜனாதிபதி தேர்தலில் போட்டியிட இருப்பதாக சமீபத்தில் அறிவித்து இருந்தார்.
அமெரிக்காவில் அடுத்த ஆண்டு நவம்பர் 3 ஆம் திகதி ஜனாதிபதி தேர்தல் நடக்க உள்ளமையும் குறிப்பிடத்தக்கது.
