காஜல் அகர்வால் தமிழ், தெலுங்கில் பிசியாக நடிக்கிறார். தனுசுடன் ‘மாரி’ படத்திலும் விஷாலுடன் ‘பாயும் புலி’ படத்திலும் நடிக்கிறார்.
இந்தி பட மொன்றிலும் ஒப்பந்தமாகியுள்ளார்.
காஜல் அகர்வாலுக்கு திருமண ஏற்பாடுகள் நடப்பதாகவும் செய்திகள் பரவி உள்ளன. தொழில் அதிபர் ஒருவரை நிச்சயம் செய்துள்ளதாகவும் கூறப்பட்டது. இதனை காஜல் அகர்வால் மறுத்தார்.
இது தொடர்பாக அவர் கூறுகையில், “நான் திருமணத்துக்கு அவசரப்படமாட்டேன். இப்போதைக்கு என் திருமணம் நடக்காது. அதற்கு நிறைய காலம் உள்ளது. ஒவ்வொரு விஷயமும் அதற்குரிய நேரத்தில் நடக்க வேண்டும்.
அது போல் என் திருமணமும் அதற்கான நேரம் வரும் போது நடக்கும்.
சினிமாவில் பெயர் சம்பாதிக்கவும், பணம் சம்பாதிக்கவும் தான் நடித்துக் கொண்டு இருக்கிறேன்.
என் முடிவுகளை நானே சுயமாக எடுக்கிறேன்.
பெரும்பாலான வீடுகளில் பெண்கள் அவர்களின் அம்மாக்களிடம் ஆலோசனை கேட்டு அதன்படி நடக்கிறார்கள்.
நான் அப்படி இல்லை. என் தாயை தொந்தரவு செய்ய மாட்டேன். நானே சொந்தமாக முடிவுகள் எடுக்கிறேன்” என்றார்.
