2016 மிஸ் பிலிப்பைன்ஸ் அழகுராணி போட்டி அடுத்த வாரம் நடைபெறவுள்ளது. பினிபினிங் பிலிப்பினாஸ் (Binibining Pilipinas) என இப்போட்டி அழைக்கப்படுகின்றமை குறிப்பிடத்தக்கது.
57 ஆவது தடவையாக நடைபெறும் இப்போட்டியில் பங்குபற்றும் யுவதிகளை ஊடகங்களுக்கு அறிமுகம் செய்யும் நிகழ்வு மணிலா நகரில் அண்மையில் நடைபெற்றது. தற்போதைய மிஸ் யூனிவர்ஸ் அழகுராணியான பிலிப்பைன்ஸைச் சேர்ந்த பியா அலோன்ஸோ வூர்ட்ஸ்பாச் உட்பட முன்னாள் பினிபினிங் பிலிப்பினஸ் அழகுராணிகள் பலரும் இந்நிகழ்வில் அதிதிகளாகப் பங்குபற்றினர்.
