மத்திய வங்கியின் பிணை முறி விவகார மற்றும் பாரிய ஊழல் மோசடி தொடர்பான ஜனாதிபதி ஆணைக்குழுக்களின் அறிக்கைகள் மீதான பாராளுமன்ற விவாதம் நாளை(21) வரை ஒத்திவைக்கப்பட்டுள்ளது.
சபாநாயகர் கரு ஜயசூரியவின் தலைமையில் இன்று(20) பிற்பகல் 1:00 மணிக்கு பாராளுமன்றம் கூடிய நிலையில், குறித்த அறிக்கைகளுக்கான பிரதிகளில் தமிழ் மற்றும் ஆங்கில மொழியாக்கம் இல்லாமையால் குறித்த விவாதம் நாளை(21) 1:00 மணிக்கு ஆரம்பமாகவுள்ளதாக சபாநாயகர் தெரிவித்திருந்தார்.
……………………………………………………………………………………………… UPDATE
முறிகள் விவகாரம் – ஆணைக்குழுவின் அறிக்கை மீதான பாராளுமன்ற விவாதம் இன்று…
முறிகள் விவகார மற்றும் பாரிய ஊழல் மோசடி தொடர்பான ஜனாதிபதி ஆணைக்குழுக்களின் அறிக்கைகள் மீதான பாராளுமன்ற விவாதம் இன்று(20) நடைபெறவுள்ளது.
சபாநாயகர் கரு ஜயசூரியவின் தலைமையில் இன்று(20) பிற்பகல் 1 மணிக்கு பாராளுமன்றம் கூடவுள்ளதுடன், இரண்டாம் நாள் விவாதமாகவே, இன்றைய தின விவாதம் நடைபெறவுள்ளதாக தெரிவிக்கப்பட்டுள்ளது.
மேலும், ஆளுங்கட்சி மற்றும் எதிர்கட்சி உறுப்பினர்கள் கலந்துகொள்ளவுள்ளனர்.
இதேவேளை, நாட்டில் ஏற்பட்டுள்ள அரசியல் நெருக்கடி தொடர்பிலும் பாராளுமன்றத்தில் கலந்துரையாடப்படவுள்ளதாகவும் தெரிவிக்கப்பட்டுள்ளது.
