தனுஷ், சாய்பல்லவி நடிப்பில் வெளியான ‘மாரி 2’ படத்தில் இடம் பெற்ற ரவுடி பேபி பாடலுக்கு சர்வதேச அளவில் அங்கீகாரம் கிடைத்துள்ளது
பிரபல அமெரிக்க ஊடகமான தி ஹாலிவுட் ரிபோர்ட்டர் குழுமத்தின் `பில்போர்ட்’ உலக அளவில் இசை தொடர்பான செய்திகளுக்கு புகழ்பெற்றது.
சர்வதேச அளவில் வானொலி, ஆன்லைன் ஆல்பங்கள், யூடியூப் என வெவ்வேறு ஊடகங்களில் டாப் இடம்பிடித்த பாடல்களின் தரவரிசைப் பட்டியலை வாரந்தோறும் வெளியிடுவது வழக்கம்.
அந்த வகையில் யூடியூப்பில் வெளிவந்த வீடியோ பாடல்கள் தரவரிசையில் யுவன் சங்கர் ராஜா இசையில் வெளியான `மாரி 2’ படத்தில் இடம்பெற்ற `ரவுடிபேபி’ பாடல் பில்போர்டின் டாப் ஐந்து பாடல்களில் ஒன்றாக இடம்பிடித்துள்ளது.
பில்போர்டின் இந்த வரிசையில் இடம்பெறும் முதல் தமிழ் வீடியோ பாடல் ‘ரவுடி பேபி’ என்பது குறிப்பிடத்தக்கது.
இந்த பாடலின் வீடியோ சென்ற வாரம் யூடியூபில் வெளியானது. வெளியான ஒரே நாளில் 7 மில்லியன் பார்வையாளர்களை பெற்ற இப்பாடல் 8 கோடி பார்வையாளர்கள் தாண்டி யூடியூப்பைக் கலக்கி வருகிறது.
