எதிர்வரும் வரவு – செலவுத் திட்டம் 2017, தொடர்பில், இன்று(25), அமைச்சர்களுக்கு இடையிலான தீர்க்கமான கலந்துரையாடலொன்று இடம்பெறவுள்ளதாகத் தெரிவிக்கப்படுகின்றது.
நிதி அமைச்சர் ரவி கருணாநாயக்க தலைமையில், நிதி அமைச்சின் அலுவலகத்தில், இந்தக் கலந்துரையாடல் இடம்பெறவுள்ளதாகவும் இதில், ஐக்கிய தேசியக் கட்சியின் வரவு – செலவுத்திட்டக் குழுவும் ஸ்ரீ லங்கா சுதந்திரக் கட்சியின் வரவு – செலவுத்திட்டக் குழுவும் கலந்துகொள்ளுமென்றும் தெரிவிக்கப்படுகின்றது.
ஸ்ரீ லங்கா சுதந்திரக் கட்சியானது, தன்னுடைய வரவு – செலவுத் திட்ட யோசனை தொடர்பான ஆவணத்தை, நிதி அமைச்சரிடம் கையளித்துள்ளது.
இதற்கமைய, இன்றைய தினத்தில் நடைபெறும் கலந்துரையாடலின் போது, அதன் உள்ளடக்கங்கள் தொடர்பில் பேசப்படும் என்றும், தெரிவிக்கப்படுகின்றது.
