காலி Indian Hut உணவக முகாமையாளர் உட்பட 11 பேர் கைது!

காலி Indian Hut உணவக முகாமையாளர் உட்பட 11 பேர் கைது!

(ஃபாஸ்ட் நியூஸ் | கொழும்பு) – காலியில் உள்ள ‘இந்தியன் ஹட்’ (Indian Hut) எனும் உணவகத்தின் முகாமையாளர் உட்பட 11 ஊழியர்கள் கைது செய்யப்பட்டுள்ளனர்.

குடும்பமாக கொழும்பிலிருந்து சென்ற வாடிக்கையாளர்களைத் தாக்கியதாகக் கூறப்படும் சம்பவம் தொடர்பில் கைதான 11 பேரும் இம்மாதம் 28 ஆம் திகதி வரை விளக்கமறியலில் வைக்கப்பட்டுள்ளனர்.

கடந்த 16ஆம் திகதி இரவு, குறித்த உணவகத்துக்கு குடும்பமாக வந்திருந்தவர்களுக்கும் உணவருந்திய ஊழியர்களுக்கும் இடையே ஏற்பட்ட வாக்குவாதம் – பின்னர் மோதலாக மாறியது.

இந்த சம்பவத்தில் கொழும்பைச் சேர்ந்த 28 வயதுடைய ஒருவரும், 17 மற்றும் 14 வயதுடைய இரண்டு சிறார்களும் உள்ளடங்கலாக 6 பேர் காயமடைந்து காலி தேசிய வைத்தியசாலையில் அனுமதிக்கப்பட்டனர்.

விசாரணைகளைத் தொடர்ந்து, தாக்குதலில் தொடர்புடைய 11 சந்தேக நபர்களை பொலிஸார் அடையாளம் கண்டு கைது செய்தனர்.

பின்னர் அவர்கள் நீதிமன்றத்தில் ஆஜர்படுத்தப்பட்டபோது, ஏப்ரல் 28 ஆம் திகதி வரை விளக்கமறியலில் வைக்குமாறு நீதிவான் உத்தரவிட்டார்.

இந்தச் சம்பவம் தொடர்பில் காலி பொலிஸார் மேலதிக விசாரணைகளை மேற்கொண்டு வருகின்றனர்.

இந்த சம்பவத்தையடுத்து காலியிலுளள இந்தியன் ஹட் உணவகத்தை (Indian Hut restaurant) புறக்கணிக்குமாறு கோரும் பதிவுகளை சமூக ஊடகங்களில் அதிகம் காண முடிகிறது.

COMMENTS

Wordpress (0)