‘மதராசப்பட்டினம்’ படத்தின் மூலம் அறிமுகமானவர் நடிகை எமி ஜாக்ஸன். இவர் இப்போது கோலிவுட், பாலிவுட் எனத் தொடர்ந்து, தற்போது ஒரு ஹாலிவுட் படத்திலும் நடிக்கிறார்.
பிரிட்டன் மாடலாகவும் வலம் வரும் இவர் பல முன்னணி நிறுவனங்களின் விளம்பரங்களில் நடித்து அவர்களின் புதிய வியாபாரப் பொருட்களுக்கு விளம்பரத் தூதுவராகவும் இருந்து வருகிறார்.
இந்நிலையில், தங்களுடைய நிறுவனங்களின் விளம்பரங்களில் இவரை நடிக்க வைக்க முயற்சித்து வருபவர்களுக்கு ஒரு பேரதிர்ச்சியை கொடுத்துள்ளார்.
எமி ஜாக்ஸன், ஒரு விளம்பரத்திற்கு போட்டோ ஷூட் எடுக்க தனது சம்பளத்தை ரூபாய் ஒரு கோடியாக உயர்த்தியதால் அனைத்து விளம்பர நிறுவனங்களும் தற்போது திணறி வருகின்றன. அதுமட்டுமல்லாமல் விளம்பரங்களில் நடிக்க மூன்று கோடி வரை தனது சம்பளத்தை உயர்த்தி உள்ளார்.
நடிகை எமி ஜாக்ஸன் சமீபத்தில் இயக்குநர் ஷங்கர் இயக்கத்தில் சூப்பர் ஸ்டார் ரஜினிகாந்துக்கு ஜோடியாக எந்திரன் 2.O படத்தில் நடித்து இருக்கிறார். இந்த படம் வெளியான பின் மேலும் தன்னுடைய சம்பளத்தை உயர்த்த திட்டமிட்டுள்ளதாகவும் தகவல்கள் தெரிவிக்கின்றமையும் குறிப்பிடத்தக்கது.
(rizmira)
