திருட்டு அழகி விமர்சனம்

(ஃபாஸ்ட் நியூஸ் | இந்தியா) –

நடிகர் : அர்பித் சோனி
நடிகை : இனாயத் சர்மா
இயக்குனர் : விக்கி ரனாவத்
இசை : ஹர்மோனி
ஓளிப்பதிவு : ககரின் மிஷ்ரா

கல்லூரியில் பயின்று வரும் 3 நண்பர்கள் பார்ட்டி கொண்டாடுவதற்காக கோவா செல்கிறார்கள். அங்கு ஜாலியாக சுற்றிவிட்டு ஊர் திரும்புகிறார்கள். அப்போது அர்பித் சோனி தனது வீட்டில் இரண்டு நண்பர்களுடன் இருக்கும் போது, ஒரு பெண் வீட்டுக்கு வருகிறாள். அவளை பார்த்ததும் அழகில் மயங்கும் இவர்கள் மூவரும் அப்பெண்ணை தங்களது வீட்டில் தங்க வைக்கின்றனர்.

அவர்களின் பலவீனத்தை பயன்படுத்திக் கொள்ளும் அந்தப் பெண், சென்ற இடத்தில், தனது கைவரிசையை காட்டுகிறாள். அங்கிருக்கும் நகை பணத்தை கொள்ளையடித்துவிட்டு செல்கிறாள். இதையடுத்து அந்த நண்பர்கள் மூவரும் அந்த பெண்ணை கண்டுபிடித்தார்களா? இல்லையா? என்பதே படத்தின் மீதிக் கதை.

திருட்டு அழகி விமர்சனம்

நண்பர்களாக நடித்திருக்கும் அர்பித் சோனி, அன்கூர் வர்மா, மோகித் அரோரா ஆகிய மூவரும் ஓவர் ஆக்டிங் செய்து புதுமுகங்கள் என்பதை நிரூபித்துள்ளார்கள். நாயகி இனாயத் சர்மா கவர்ச்சியில் தாராளம் காட்டி உள்ளார். மற்றபடி நடிப்பில் பெரிதாக சோபிக்கவில்லை.

முழுக்க முழுக்க அடல்ட் காமெடி படமாக இப்படத்தை எடுத்துள்ளனர். பிகினி காட்சிகள் தான் படத்தில் ஏராளமாக உள்ளன. டப்பிங் சரிவர எடுபடவில்லை. டப்பிங்கில் காமெடி காட்சிகள் ஒர்க் அவுட் ஆகாதது படத்திற்கு மிகப்பெரிய மைனஸ்.

திருட்டு அழகி விமர்சனம்

கிளாமரையும் அடல்ட் காமெடியை மட்டும் நம்பியே இப்படத்தை எடுத்துள்ளார் இயக்குனர் விக்கி ரனாவத். கதை, திரைக்கதையில் கோட்டை விட்டுள்ளார்.

நேர்த்தியான ஒளிப்பதிவால் கோவாவின் அழகை திரையில் கொண்டுவந்து கண்களுக்கு விருந்து படைத்திருக்கிறார் ககரின் மிஷ்ரா. ஹர்மோனியின் இசையில் பாடல்கள் சுமார் ரகம் தான்.

மொத்தத்தில் ‘திருட்டு அழகி’ கவர்ச்சி.