ஜனாதிபதியின் இரகசியங்களை அம்பலப்படுத்திய உறவினர்!
(ஃபாஸ்ட் நியூஸ் | கொழும்பு) –
சொந்த பெற்றோரின் நினைவிடத்தை கூட பாதுகாக்க முடியாதவர்களா மக்களை பாதுகாப்பர்?
ஜனாதிபதி கோட்டாபய ராஜபக்ஷ தலைமையிலான அரசாங்கம் நாடு முழுவதும் இடம்பெற்ற வன்முறைகளை கட்டுப்படுத்த உரிய நடவடிக்கை எடுக்கவில்லை என ராஜபக்ஷ குடும்பத்தின் உறுப்பினர் குற்றம் சுமத்தியுள்ளார்.
சிங்கள ஊடகவியலாளரின் யூடியுப் சேவைக்கு வழங்கிய நேர்காணலில், ரஷ்யாவுக்கான முன்னாள் தூதுவர் உதயநாக வீரதுங்க, இதனை தெரிவித்துள்ளார்.
தொடர்ந்து கருத்து வெளியிட்டவர், உங்கள் சொந்த பெற்றோரின் நினைவிடத்தை உங்களால் பாதுகாக்க முடியாவிட்டால், அவர்கள் எங்களை எப்படி பாதுகாப்பார்கள் என்று நாங்கள் எதிர்பார்க்க முடியும்? என்று ஜனாதிபதி கோட்டாபய ராஜபக்சவின் நெருங்கிய உறவினரும் உதயங்கவிடம் கேள்வி எழுப்பியுள்ளார்.
தேசிய பாதுகாப்பில் அனுபவம் வாய்ந்த ஜனாதிபதியின் தலைமையிலான வலுவான அரசாங்கம் ஏன் நாடு முழுவதும் வன்முறை சம்பவங்களை கட்டுப்படுத்த தேவையான நடவடிக்கைகளை எடுக்க முடியவில்லை என்றும் அவர் கேள்வி எழுப்பினார்.
ஆரம்பம் முதலே ஜனாதிபதியின் நெருங்கிய கூட்டாளிகள் மற்றும் ஆலோசகர்களால் சரியான ஆலோசனைகள் வழங்கப்படாமையே தற்போதைய நெருக்கடிக்கு வழிவகுத்துள்ளது.
ஜனாதிபதியினால் சரியான தீர்மானம் எடுக்கப்படவில்லை. மக்களுடன் பேசாமல் அறைக்கதவை மூடியதே ஜனாதிபதியின் மிகப் பெரிய தவறு. அவ்வாறானதொரு நாட்டை ஆட்சி செய்ய முடியாது. மஹிந்த ராஜபக்ச இராஜினாமா செய்யவில்லை மாறாக பதவி விலக வைத்தார்.
ராஜபக்சக்களால் நிராகரிக்கப்பட்டவர் கோட்டாபய. தீப்பற்றி எரியும் பேருந்தை நிறுத்த முடியாத மனிதன் எப்படி நாட்டைக் காக்க முடியும்? மிக் விமானங்கள் கொள்வனவு தொடர்பான வழக்கு தொடர்ந்தால், ஜனாதிபதிக்கு தன்னை விட அதிக பிரச்சினைகள் ஏற்படும்.
ஒருமுறை என்னை சிறையில் அடைக்க முயன்றார்கள், இப்போது இப்படிச் சொல்லி வெள்ளை வேனில் அனுப்புவார்கள் என அவர் மேலும் தெரிவித்துள்ளார். முன்னதாக முகநூல் பதிவொன்றிலும் உதயங்க வீரதுங்க, முன்னாள் பிரதமர் மஹிந்த ராஜபக்ஷவை பதவியில் இருந்து நீக்கியதற்காக ஜனாதிபதியை விமர்சித்திருந்தார்.
உங்களை ஜனாதிபதி பதவிக்கு கொண்டு வந்த உங்கள் சகோதரரை மனிதாபிமானமற்ற முறையில் நீக்கியதன் விளைவுகளாக, கர்மாவின் மூலம் நீங்கள் பெற வேண்டியதை நீங்கள் பெறுவீர்கள் என்று அவர் பதிவிட்டுள்ளார்.